الرئيسيةمرجعك الشامل للهاردات بشكل عام و أنواعها و الفرق بينها
صفحة 1 من اصل 1 • شاطر
- samyfahem
المدير العام
- عدد المساهمات : 52
تاريخ التسجيل : 03/09/2015
العمر : 44 -
samyfahem الإثنين نوفمبر 30, 2020 3:08 pm
مرجعك الشامل للهاردات بشكل عام و أنواعها و الفرق بينها
محدش هيقولك الكلام دا ف حتة تاني ، كوباية الشاي و هيا بنا
-----
أنواع الهاردات و الفرق بينها !
أبسط توضيح عشان الناس إللى معندهاش خلفية كبيرة
هحاول أبقى مختصر و محدد
و مش هحط معلومات مش مفيدة أوى لـ المستخدم
----
هنعرف ف البداية الهاردات كـ تكنولوجي
و كـ أماكن بتركب عليها فى البوردة
و كل الناس تقريباً إستخدموا حاجة واحدة منهم ع الأقل
دى الأنواع إللى أنا حضرتها من الهاردات فى رحلة حياتى القصيرة
HDD - SSD - SSHD - M.2/NVME
و الأماكن بتاعتهم ع البوردة نفسها - السوكيت
IDE - SATA - M.2
----
خلينا نبدأ بـ أنواع السوكيتس /
-----
IDE /
---
كان سوكيت على البوردة البنتيم 3 و 4 و أول إصدارات الـ LGA
نوع قديم جداً عبارة عن سوكيت عريض و فيه سنون كتيرة
بتركب ف كابل عريض لامؤاغذة مخرم
و دا إنتهى غالباً من السوق فى 2005
و مبقاش ينزل مكان ليه أصلاً ع البوردات الحديثة
و أكبر هارد شفته ليه كان 320 جيجا .. و كان بطيئ جداً
----
SATA /
---
هو السوكيت المنتشر من بدايات الألفينات و لغاية دلوقتي
و هو الأفضل و الأسرع و الأكثر شعبية
تم تطويره لكذا إصدار .. ساتا 1 / سرعته 1.5 جيجا
ساتا 2 / سرعته 3 جيجا .. ساتا 3 / سرعته 6 جيجا
و وصل لـ ساتا 3.2 مؤخراً .. و دا سرعته 16 جيجا
و السرعات دى هى أقصى سرعة بيدعمها السوكيت نفسه
و السرعة بتاعتك معتمدة ع سرعة الهارد إللي واصل ف السوكيت
----
أنواع الهاردات /
---
HDD /
---
دا أكتر هارد منتشر - لإنه رخيص ، و سرعته مناسبة للأغلبية
التقنية بتاعته ميكانيكية الحركة
يعنى بيتحرك عن طريق لامؤاغذة إحتكاك مكوناته الداخلية بشكل معين
بيشتغل معاك بمجرد إحتكاك الإبرة بالإسطوانة الداخلية
و قراية البيانات إللي متسجلة عليها .. دا بإختصار شديد
فكرة شبيهة بـ الجرامافون إللي كان بيشغل إسطوانات زمان
و فيه دبوس صغير الإسطوانة بتدور تحت منه و الأغنية بتشتغل
---
و دا فيه منه نوعين بيشتغلوا على سوكيتات مختلفة
/ IDE - SATA
و زى ما وضحنا فوق إن الـ IDE إنتهى فى بداية الألفينات
فـ الموجود حالياً الـ SATA فقط
و سرعة الهارد دا بـ تتحدد من حاجتين /
1 - عدد اللفات
و أشهر الأنواع الحالية سرعتها ما بين 5400 - 7200 لفة في الدقيقة
2 - نوع السوكيت الخاص به ، هل هو ساتا 1 أو 2 أو 3 - ولا IDE
----
و أشهر الشركات المتخصصة ف صناعة الهاردات ال HDD
Western Digital - Seagate
و من بعدهم فى شركات تاني زي /
Maxtor - Hitachi - Samsung - Toshiba
لكن الأفضلية للشركتين إللى فوق طبعاً لو متوفرين قدامك
-----
تاني نوع من وحدات التخزين هو الـ SSD /
--
و دا بيركب على السوكيت الـ Sata فقط
مفيش منه أنواع لـ سوكيت الـ IDE
و دا أسرع نوع هاردات موجود حالياً ، لكن سعره غالى
سرعة الهارد دا بتتحدد حسب نوع السوكيت الخاص بيه
و أي تكنولوجي إضافية الشركة المُصنعة عاملاها عشان تميزه
و ملوش عدد لفات ، لإن التقنية بتاعته إلكترونية مش ميكانيكية
بيبقى عبارة عن شرائح متصلة ببعض على البوردة شبه الفلاشة كدا
و دى تقنية سريعة جداً و هى الأحدث
----
و بيكون الحجم الخارجي للهارد صغير مقارنةً بـ الـ HDD
و بيبقى مُصَنع من البلاستيك أو المعدن الخفيف و وزنه 120 جرام بالكتير
على عكس الـ HDD إللي ممكن يوصل 800 جرام
و عشان تحس بـ فرق السرعة كـ وقت مش كـ أرقام و تدرك الموضوع أوي
الوندوز لو بيفتح و يحمل البرامج على الهارد الـ HDD فى دقيقة مثلاً
هيفتح على الهارد الـ SSD ف 10 ثواني تقريباً
و هكذا بإختلاف الموديلات و أنواعها
---
و من أشهر الشركات المُصنعة لـ الـ SSD
Samsung - Kingston - Corsair - Crucial - Team - Adata
و مؤخراً شركة Western Digital دخلت سوق الـ SSD بكذا موديل
و فيه موديلات حديثة من الـ SSD
تحت إسم M.2 - NVME
دا أخر تطوير للفئة بتاعة الـ SSD بشكل عام
و هي أسرع وحدات تخزين ف العالم حتى الأن
فيه منها كذا إصدارة مُطورة بتركب على مخرج إسمه M.2
بيتوصل مباشرةً على البوردة ، مش بكابل ساتا عادي زي إللي بنستخدمه
نوعية الـ SSD دا بتبقى شبه الرام تقريباً
و المكان بتاعه ع البوردة مش موجود
إلا في الأجيال الحديثة فقط من الاجهزة
----
مُعضلة كبيرة و خناقة هتلاقيها
ع هل ينفع نقول ع الـ SSD هارد و لا لأ
هو علمياً مينفعش ، لإن هارد جاية من كلمة ( صلب ) ترجمة حرفية
و دي بنقولها ع الهارد الكبير العادي ، لإنه فعلياً صلب
لكن الـ SSD تقنية تاني و تكوين تاني ، مينفعش نسميه هارد
لكنها بتتقال كمصطلح دارج مش أكتر و إن كان مش صح
بس عادي يعني المهم إنك تبقى فاهم و كلنا فاهمين مع بعض
------
SSHD /
دا خليط و دمج بين النوعين إللى قلناهم فوق
يعني الشركة تعملك ف الأول مساحة بتقنية زي الـ ssd
و باقى الهارد تخليهولك ب تقنية الـ HDD
بحيث تسرعلك أداء الوندوز و برامجه
نفس فكرة إننا نشتري SSD و نخليه للوندوز و البرامج بس
مش منتشرة أوي الهاردات دى و محققتش نجاح كبير ف السوق
و سعرها أغلى بسيط من الـ HDD العادي
----
الهاردات كـ موديلات و أنواع بالنسبة لـ الـ HDD
هنذكر الأشهر ، كل هارد من سيجيت و ما يوازيه من ويسترن /
---
ويسترن الأسود - WD BLACK
دا يعتبر رقم واحد فى كل فئات الـ HDD ، لكن يعيبه سعره الغالى
و أنا شايفه مش هيديك فرق سرعة خرافي
قدام الفلوس الزيادة إللى هتتدفع فيه
بالإضافة لإن درجة حرارته و صوته أعلى شوية من الطبيعي
فـ مش برشحه أوي إلا لو محتاج أسرع شئ حتى لو بـ نسبة قليلة
سيجيت باركودا برو - Seagate Barracuda Pro
دا النسخة الموازية لـ ويسترن الأسود بكل مميزاته
و رأيي إنه له أفضلية عن الويسترن
لكنه مش منتشر فى مصر
----
ويسترن الأزرق - WD BLUE
دا يعتبر من الأفضل للفئة المتوسطة
و أحسن حاجة لكافة الإستخدامات
سعره مناسب جداً و كفائته ممتازة
سيجيت باراكودا - SEAGATE BARRACUDA
دا يعتبر برضو من أفضل الاختيارات - و موازى للويسترن الأزرق
و غالبا بيكون 7200 لفة ، و بفضله أحياناً
و إن كانوا متساويين نسبياً الإتنين فى كل شئ
---
ويسترن الأخضر - WD GREEN
دا لو عاوز هارد معندوش دم و مش بيبوظ
لإنه بيتميز بـ إستهلاك قليل للكهرباء و ملوش صوت عالي
لكنه ف نفس الوقت بطئ نسبياً عن الموديلات إللى فوق
لكنه مش البطأ إللى يوقفك يعني ، فرق طفيف جداً
و الموديلات الـ 64 ميجا كاش منه قريبة جداً للويسترن الأزرق
سيجيت ديسكتوب - SEAGATE DESKTOP
دا النسخة الموازية لـ ويسترن الأخضر بكل مميزاته و عيوبه
----
ويسترن البنفسجى - WD PURPLE
هارد مصمم للكاميرات
فيه تكنولوجى بتساعد إن الهارد يفضل شغال 24/7
جديد نسبياً في السوق مقارنةً بالأزرق و الأخضر
و مش برشح إستخدامه إلا فى الحاجات إللى مُصنع ليها فقط
دا فى حالة إن قدامك إختيارات تانية
أما لو مفيش قدامك إلا هو ، هاته عادي مفيش أدنى مشكلة
سعره نفس سعر الأزرق تقريباً ، أعلى أو أقل بفروق بسيطة
وكسرعة زيه زي الازرق و يحل محله عادى جداً
سيجيت فيديو - Seagate Video 3.5
دا النسخة الموازية لـ ويسترن البنفسجي
بكل مميزاته و عيوبه ، كإصدارة قديمة
و الإصدارة الحديثة منه بإسم / Sky Hawk
---
ويسترن الأحمر - WD RED
هارد مصمم للسيرفرات و الشبكات
فيه تكنولوجي بتساعد إن الهارد يفضل شغال 24/7
و فيه بعض الخصائص بتساعد فى الشغل جوا الشبكات بشكل أفضل
و برضو مش برشح إستخدامه إلا فى الحاجات إللي مُصنع ليها فقط
دا فى حالة إن قدامك إختيارات تانية
أما لو مفيش قدامك إلا هو ، هاته عادي مفيش مشاكل
لكنك هتلاقيه سعره غالي شوية عن باقي الموديلات
نظراً لتخصصه فى شئ معين
سيجيت أيرن وولف - Seagate Iron Wolf
دا النسخة الموازية لـ ويسترن الأحمر بكل مميزاته و عيوبه
----
و فيه أنواع هاردات تانى زى الـ WD RE - WD ENTERPRISE
و دي هاردات معاد تصنيعها ، مش جديدة كلياً
كتير بيضحكوا على الناس و يبيعوها ع إنها ويسترن أسود
منصحش بيها إلا لو سعرها واقع و هتاخد معاها ضمان
----
و فيه بعض الموديلات مقلناهاش لإنها مش منتشرة أوي
زي النسخ الـ GOLD من ويسترن ، أو النسخ الـ PRO من سيجيت
لكننا ذكرنا أغلب الشائع و المتاح في الأسواق
---
الخلاصة /
ويسترن أزرق - سيجيت باراكودا - ويسترن بنفسجي
ويسترن أحمر - ويسترن أخضر - سيجيت ديسكتوب
بالترتيب دا خليهم أولوياتك لو هتشتري فئة إقتصادية
كلهم شبه واحد و الفروقات طفيفة
---
الهاردات الأفضل فى فئة الـ SSD /
فيه تنافس شديد جداً بين الشركات
و أغلب الموديلات إللى جربتها متقاربة جداً لبعض
بس هتلاقي ف المقدمة / سامسونج و كورسير
كمان / إي داتا و كروشال ، و البقية ــــ
الفئات الإقتصادية من الـ SSD بالذات موديلاتها كتيرة
و لازم تقارن كل موديل بالتاني بدقة عشان تعرف تختار
مع وضع السعر ف الإعتبار طبعاً
-----
لما تيجى تشتري أى هارد ، أول حاجة تشوف السوكيت بتاعه
إصداره و سرعته إيه ؟
و لو HDD تشوف هو كم لفه فى الدقيقة ؟
الأغلبية مش هيعرفوا يشتروا SSD بمساحة 2 تيرا مثلاً عشان السعر
فـ ممكن تجيب SSD 120 و تنزل عليه الوندوز
و تكمل على الجهاز بـ HDD يكون إصدارة سريعة
زى الويسترن الأزرق مثلاً ، هتبقى عملت أداء مقابل سعر بشكل ممتاز
و فى حركة لذيذة ساعات بعملها لو بلعب لعبة تقيلة
و عاوز أفضل أداء للجهاز
باخدها كوبي ع الديسكتوب إللي هو تابع لـ الـ SSD و بلعبها عليه
و لما اخلصها أو بحتاج مساحة بشيلها و هكذا
-------
عشان تعرف الهارد سليم كـ سوفت وير و لا لأ لما تيجي تشتريه
أهم حاجه تشوف عليه باد سيكتور و لا لأ
و دا بإختصار بيبقى مشكلة فى نظام الهارد
بتكشف عليها ببرامج زي HDD RE GENERATOR
و أحياناً بتتحل و أحياناً لأ
و لازم يبقى هيلث 100% أو 90% على الأقل
و دا بإختصار عمر الهارد الإفتراضي و كفائته
و بتشوفه ببرنامج زى HDD SENTINEL
و لازم يبقى مش بيعمل صوت تكتكة أو أي صوت غريب عن العادي
و يكون مش بيسخن و حرارته طبيعية
و الحاجات دي في برامج بتشوفها و تكشف عليها بسهولة
لو الكلام عجبك ، لايك و شير
لو معجبكش ، إعتبره من وحي الخيال و لا يمت للواقع بـ صلة
و لايك و شير برضو ، متبقاش غلس
محدش هيقولك الكلام دا ف حتة تاني ، كوباية الشاي و هيا بنا
-----
أنواع الهاردات و الفرق بينها !
أبسط توضيح عشان الناس إللى معندهاش خلفية كبيرة
هحاول أبقى مختصر و محدد
و مش هحط معلومات مش مفيدة أوى لـ المستخدم
----
هنعرف ف البداية الهاردات كـ تكنولوجي
و كـ أماكن بتركب عليها فى البوردة
و كل الناس تقريباً إستخدموا حاجة واحدة منهم ع الأقل
دى الأنواع إللى أنا حضرتها من الهاردات فى رحلة حياتى القصيرة
HDD - SSD - SSHD - M.2/NVME
و الأماكن بتاعتهم ع البوردة نفسها - السوكيت
IDE - SATA - M.2
----
خلينا نبدأ بـ أنواع السوكيتس /
-----
IDE /
---
كان سوكيت على البوردة البنتيم 3 و 4 و أول إصدارات الـ LGA
نوع قديم جداً عبارة عن سوكيت عريض و فيه سنون كتيرة
بتركب ف كابل عريض لامؤاغذة مخرم
و دا إنتهى غالباً من السوق فى 2005
و مبقاش ينزل مكان ليه أصلاً ع البوردات الحديثة
و أكبر هارد شفته ليه كان 320 جيجا .. و كان بطيئ جداً
----
SATA /
---
هو السوكيت المنتشر من بدايات الألفينات و لغاية دلوقتي
و هو الأفضل و الأسرع و الأكثر شعبية
تم تطويره لكذا إصدار .. ساتا 1 / سرعته 1.5 جيجا
ساتا 2 / سرعته 3 جيجا .. ساتا 3 / سرعته 6 جيجا
و وصل لـ ساتا 3.2 مؤخراً .. و دا سرعته 16 جيجا
و السرعات دى هى أقصى سرعة بيدعمها السوكيت نفسه
و السرعة بتاعتك معتمدة ع سرعة الهارد إللي واصل ف السوكيت
----
أنواع الهاردات /
---
HDD /
---
دا أكتر هارد منتشر - لإنه رخيص ، و سرعته مناسبة للأغلبية
التقنية بتاعته ميكانيكية الحركة
يعنى بيتحرك عن طريق لامؤاغذة إحتكاك مكوناته الداخلية بشكل معين
بيشتغل معاك بمجرد إحتكاك الإبرة بالإسطوانة الداخلية
و قراية البيانات إللي متسجلة عليها .. دا بإختصار شديد
فكرة شبيهة بـ الجرامافون إللي كان بيشغل إسطوانات زمان
و فيه دبوس صغير الإسطوانة بتدور تحت منه و الأغنية بتشتغل
---
و دا فيه منه نوعين بيشتغلوا على سوكيتات مختلفة
/ IDE - SATA
و زى ما وضحنا فوق إن الـ IDE إنتهى فى بداية الألفينات
فـ الموجود حالياً الـ SATA فقط
و سرعة الهارد دا بـ تتحدد من حاجتين /
1 - عدد اللفات
و أشهر الأنواع الحالية سرعتها ما بين 5400 - 7200 لفة في الدقيقة
2 - نوع السوكيت الخاص به ، هل هو ساتا 1 أو 2 أو 3 - ولا IDE
----
و أشهر الشركات المتخصصة ف صناعة الهاردات ال HDD
Western Digital - Seagate
و من بعدهم فى شركات تاني زي /
Maxtor - Hitachi - Samsung - Toshiba
لكن الأفضلية للشركتين إللى فوق طبعاً لو متوفرين قدامك
-----
تاني نوع من وحدات التخزين هو الـ SSD /
--
و دا بيركب على السوكيت الـ Sata فقط
مفيش منه أنواع لـ سوكيت الـ IDE
و دا أسرع نوع هاردات موجود حالياً ، لكن سعره غالى
سرعة الهارد دا بتتحدد حسب نوع السوكيت الخاص بيه
و أي تكنولوجي إضافية الشركة المُصنعة عاملاها عشان تميزه
و ملوش عدد لفات ، لإن التقنية بتاعته إلكترونية مش ميكانيكية
بيبقى عبارة عن شرائح متصلة ببعض على البوردة شبه الفلاشة كدا
و دى تقنية سريعة جداً و هى الأحدث
----
و بيكون الحجم الخارجي للهارد صغير مقارنةً بـ الـ HDD
و بيبقى مُصَنع من البلاستيك أو المعدن الخفيف و وزنه 120 جرام بالكتير
على عكس الـ HDD إللي ممكن يوصل 800 جرام
و عشان تحس بـ فرق السرعة كـ وقت مش كـ أرقام و تدرك الموضوع أوي
الوندوز لو بيفتح و يحمل البرامج على الهارد الـ HDD فى دقيقة مثلاً
هيفتح على الهارد الـ SSD ف 10 ثواني تقريباً
و هكذا بإختلاف الموديلات و أنواعها
---
و من أشهر الشركات المُصنعة لـ الـ SSD
Samsung - Kingston - Corsair - Crucial - Team - Adata
و مؤخراً شركة Western Digital دخلت سوق الـ SSD بكذا موديل
و فيه موديلات حديثة من الـ SSD
تحت إسم M.2 - NVME
دا أخر تطوير للفئة بتاعة الـ SSD بشكل عام
و هي أسرع وحدات تخزين ف العالم حتى الأن
فيه منها كذا إصدارة مُطورة بتركب على مخرج إسمه M.2
بيتوصل مباشرةً على البوردة ، مش بكابل ساتا عادي زي إللي بنستخدمه
نوعية الـ SSD دا بتبقى شبه الرام تقريباً
و المكان بتاعه ع البوردة مش موجود
إلا في الأجيال الحديثة فقط من الاجهزة
----
مُعضلة كبيرة و خناقة هتلاقيها
ع هل ينفع نقول ع الـ SSD هارد و لا لأ
هو علمياً مينفعش ، لإن هارد جاية من كلمة ( صلب ) ترجمة حرفية
و دي بنقولها ع الهارد الكبير العادي ، لإنه فعلياً صلب
لكن الـ SSD تقنية تاني و تكوين تاني ، مينفعش نسميه هارد
لكنها بتتقال كمصطلح دارج مش أكتر و إن كان مش صح
بس عادي يعني المهم إنك تبقى فاهم و كلنا فاهمين مع بعض
------
SSHD /
دا خليط و دمج بين النوعين إللى قلناهم فوق
يعني الشركة تعملك ف الأول مساحة بتقنية زي الـ ssd
و باقى الهارد تخليهولك ب تقنية الـ HDD
بحيث تسرعلك أداء الوندوز و برامجه
نفس فكرة إننا نشتري SSD و نخليه للوندوز و البرامج بس
مش منتشرة أوي الهاردات دى و محققتش نجاح كبير ف السوق
و سعرها أغلى بسيط من الـ HDD العادي
----
الهاردات كـ موديلات و أنواع بالنسبة لـ الـ HDD
هنذكر الأشهر ، كل هارد من سيجيت و ما يوازيه من ويسترن /
---
ويسترن الأسود - WD BLACK
دا يعتبر رقم واحد فى كل فئات الـ HDD ، لكن يعيبه سعره الغالى
و أنا شايفه مش هيديك فرق سرعة خرافي
قدام الفلوس الزيادة إللى هتتدفع فيه
بالإضافة لإن درجة حرارته و صوته أعلى شوية من الطبيعي
فـ مش برشحه أوي إلا لو محتاج أسرع شئ حتى لو بـ نسبة قليلة
سيجيت باركودا برو - Seagate Barracuda Pro
دا النسخة الموازية لـ ويسترن الأسود بكل مميزاته
و رأيي إنه له أفضلية عن الويسترن
لكنه مش منتشر فى مصر
----
ويسترن الأزرق - WD BLUE
دا يعتبر من الأفضل للفئة المتوسطة
و أحسن حاجة لكافة الإستخدامات
سعره مناسب جداً و كفائته ممتازة
سيجيت باراكودا - SEAGATE BARRACUDA
دا يعتبر برضو من أفضل الاختيارات - و موازى للويسترن الأزرق
و غالبا بيكون 7200 لفة ، و بفضله أحياناً
و إن كانوا متساويين نسبياً الإتنين فى كل شئ
---
ويسترن الأخضر - WD GREEN
دا لو عاوز هارد معندوش دم و مش بيبوظ
لإنه بيتميز بـ إستهلاك قليل للكهرباء و ملوش صوت عالي
لكنه ف نفس الوقت بطئ نسبياً عن الموديلات إللى فوق
لكنه مش البطأ إللى يوقفك يعني ، فرق طفيف جداً
و الموديلات الـ 64 ميجا كاش منه قريبة جداً للويسترن الأزرق
سيجيت ديسكتوب - SEAGATE DESKTOP
دا النسخة الموازية لـ ويسترن الأخضر بكل مميزاته و عيوبه
----
ويسترن البنفسجى - WD PURPLE
هارد مصمم للكاميرات
فيه تكنولوجى بتساعد إن الهارد يفضل شغال 24/7
جديد نسبياً في السوق مقارنةً بالأزرق و الأخضر
و مش برشح إستخدامه إلا فى الحاجات إللى مُصنع ليها فقط
دا فى حالة إن قدامك إختيارات تانية
أما لو مفيش قدامك إلا هو ، هاته عادي مفيش أدنى مشكلة
سعره نفس سعر الأزرق تقريباً ، أعلى أو أقل بفروق بسيطة
وكسرعة زيه زي الازرق و يحل محله عادى جداً
سيجيت فيديو - Seagate Video 3.5
دا النسخة الموازية لـ ويسترن البنفسجي
بكل مميزاته و عيوبه ، كإصدارة قديمة
و الإصدارة الحديثة منه بإسم / Sky Hawk
---
ويسترن الأحمر - WD RED
هارد مصمم للسيرفرات و الشبكات
فيه تكنولوجي بتساعد إن الهارد يفضل شغال 24/7
و فيه بعض الخصائص بتساعد فى الشغل جوا الشبكات بشكل أفضل
و برضو مش برشح إستخدامه إلا فى الحاجات إللي مُصنع ليها فقط
دا فى حالة إن قدامك إختيارات تانية
أما لو مفيش قدامك إلا هو ، هاته عادي مفيش مشاكل
لكنك هتلاقيه سعره غالي شوية عن باقي الموديلات
نظراً لتخصصه فى شئ معين
سيجيت أيرن وولف - Seagate Iron Wolf
دا النسخة الموازية لـ ويسترن الأحمر بكل مميزاته و عيوبه
----
و فيه أنواع هاردات تانى زى الـ WD RE - WD ENTERPRISE
و دي هاردات معاد تصنيعها ، مش جديدة كلياً
كتير بيضحكوا على الناس و يبيعوها ع إنها ويسترن أسود
منصحش بيها إلا لو سعرها واقع و هتاخد معاها ضمان
----
و فيه بعض الموديلات مقلناهاش لإنها مش منتشرة أوي
زي النسخ الـ GOLD من ويسترن ، أو النسخ الـ PRO من سيجيت
لكننا ذكرنا أغلب الشائع و المتاح في الأسواق
---
الخلاصة /
ويسترن أزرق - سيجيت باراكودا - ويسترن بنفسجي
ويسترن أحمر - ويسترن أخضر - سيجيت ديسكتوب
بالترتيب دا خليهم أولوياتك لو هتشتري فئة إقتصادية
كلهم شبه واحد و الفروقات طفيفة
---
الهاردات الأفضل فى فئة الـ SSD /
فيه تنافس شديد جداً بين الشركات
و أغلب الموديلات إللى جربتها متقاربة جداً لبعض
بس هتلاقي ف المقدمة / سامسونج و كورسير
كمان / إي داتا و كروشال ، و البقية ــــ
الفئات الإقتصادية من الـ SSD بالذات موديلاتها كتيرة
و لازم تقارن كل موديل بالتاني بدقة عشان تعرف تختار
مع وضع السعر ف الإعتبار طبعاً
-----
لما تيجى تشتري أى هارد ، أول حاجة تشوف السوكيت بتاعه
إصداره و سرعته إيه ؟
و لو HDD تشوف هو كم لفه فى الدقيقة ؟
الأغلبية مش هيعرفوا يشتروا SSD بمساحة 2 تيرا مثلاً عشان السعر
فـ ممكن تجيب SSD 120 و تنزل عليه الوندوز
و تكمل على الجهاز بـ HDD يكون إصدارة سريعة
زى الويسترن الأزرق مثلاً ، هتبقى عملت أداء مقابل سعر بشكل ممتاز
و فى حركة لذيذة ساعات بعملها لو بلعب لعبة تقيلة
و عاوز أفضل أداء للجهاز
باخدها كوبي ع الديسكتوب إللي هو تابع لـ الـ SSD و بلعبها عليه
و لما اخلصها أو بحتاج مساحة بشيلها و هكذا
-------
عشان تعرف الهارد سليم كـ سوفت وير و لا لأ لما تيجي تشتريه
أهم حاجه تشوف عليه باد سيكتور و لا لأ
و دا بإختصار بيبقى مشكلة فى نظام الهارد
بتكشف عليها ببرامج زي HDD RE GENERATOR
و أحياناً بتتحل و أحياناً لأ
و لازم يبقى هيلث 100% أو 90% على الأقل
و دا بإختصار عمر الهارد الإفتراضي و كفائته
و بتشوفه ببرنامج زى HDD SENTINEL
و لازم يبقى مش بيعمل صوت تكتكة أو أي صوت غريب عن العادي
و يكون مش بيسخن و حرارته طبيعية
و الحاجات دي في برامج بتشوفها و تكشف عليها بسهولة
لو الكلام عجبك ، لايك و شير
لو معجبكش ، إعتبره من وحي الخيال و لا يمت للواقع بـ صلة
و لايك و شير برضو ، متبقاش غلس
- المرفقات
- 128345917_3342197395889596_1032322580248479169_o.png لا تتوفر على صلاحيات كافية لتحميل هذه المرفقات.(558 Ko) عدد مرات التنزيل 1
للمشاركة انت بحاجه الى تسجيل الدخول او التسجيل
يجب ان تعرف نفسك بتسجيل الدخول او بالاشتراك معنا للمشاركة
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى